السلام عليكم ورحمة الله وبركاته ..
اخواني الاعزاء اعضاء صوت القصيم ..
مـدري تعـرف السالفـه زيـن يمنيـر
والا جهـلـت الـلـي جــرى ياغنـاتـي
وبـكـل حــال العـلـم يحـتـاج تفسـيـر
مــادام حــان الـوقـت مـلـزوم يـاتـي
والا انــت ماتحـتـاج مـنـي مـعـاذيـر
رفيقـي الـلـي فــي طريـقـي مـرآتـي
يـوم النوايـا فــي ضمـيـرك مغاتـيـر
غيـرك علـى شتمـي لقيـتـه يحـاتـي
ياصاحبـي طـالـت عـلـي المشـاويـر
لاشـك مانـي باطـل(ن) فـي صلاتـي
مير الحقيقه غير واللي جـرى غيـر
ولاودي احــذف للرفـاقـه حـصـاتـي
وابـو هبـال اعمـى براسـه سعاطيـر
وانـا علـى اللـي قـال طـوْل سكـاتـي
عـلـي ّ ركّــز بالـمـلام النـواضـيـر
ويقـول بيـن النـاس هــذي سـواتـي
حرّف كلامي بالعـرب خايـب الصيـر
واستنكر اللي كد عرف عن صفاتـي
اثــر الـكـلام احـيـان يبـغـى معايـيـر
والـلـي بــلا معـيـار مـالــه طـراتــي
عذر البليد يغيـض روس المشاهيـر
والعفـو دايـم هـو سـبـب مشكـلاتـي
أخطـا عـلـي ّ ولانــوى بالمعـاذيـر
(بوقان) خـان ولاحفـظ لـي وصاتـي
جـا للغزيـر وطـبّ وســط المحـاذيـر
شـن الهـجـوم وخصّـنـي بالقضـاتـي
مـاقـدّر الـجـيـره ولاســـاق تـبـريـر
واعلـومـه الـلـي قالـهـن سامجـاتـي
يبـغـى يقاضيـنـي بـكـذب وخنـاثـيـر
لـفـق لــي التهـمـه بـكــل الجـهـاتـي
ماقـال غيـر الـزور قــدم الخطاطـيـر
واخطى وانـا ماهـي بتخطـي رحاتـي
لـو درّتـهـا زادت علـيـه المخاسـيـر
والـيـا نويـتـه حـالـف(ن) مايـبـاتـي
عندي شطير(ن) مايهاب الشواطيـر
وعنـدي علـى ماقيـل رمـح الزناتـي
مايخطـي الاهــداف والـسـر بالبـيـر
واليـا كشفـت اغطـاه جـرّ احسراتـي
واليا جذبت ارشـاي جبـت الحذافيـر
ايــــه الله الله مــاهــن بـنـاقـصـاتـي
والله لسـوقـه لـيـن يـاطـا المسامـيـر
والـلـيــل والله مــايــذوق الـمـبـاتـي
والصبـح يشـقـى مايـلاقـي تباشـيـر
حـتـى يـشـوف بعيـنـه المعـضـلاتـي
ويضـيـق دربــه مايحـصّـل معابـيـر
واليـا التفـت علبـاه تشكـي عصاتـي
مــن عـادتـي مـانـي قلـيـل التدابـيـر
والهامل ادعـس فـوق خـدّه احذاتـي
طبعي على القشران سقم وزمهريـر
واهــل النمـايـم مـاتـزحـزح ثـبـاتـي
وان قيـل وان ماقيـل دربـي تسافيـر
راسـي مثـل مرسـا جبـال السـراتـي
والا مـثــل مايـرسـيـن ّ البـوابـيـر
لــو ان مـوجــات الـبـحـر كـايـداتـي
ماني غشيم(ن) يصفق الجال ويحير
ويـروح مـن صـكـات بقـعـا شتـاتـي
انــا الـيـا زادت عـلـي ْ العـواثـيـر
مااعيـرهـن دامــي مـصـدّ التـفـاتـي
ولانـي خـوي (ن) للبنـات الغنـاديـر
مـااخــاوي الا طـيـبـيـن الـسـمـاتـي
وان ضـاق بالـي واكثـرن الدواويـر
عـنّــزت لـلــي يـنـطـح الموجـبـاتـي
مهـو بساهجـنـي عشـيـر المناعـيـر
هو سيفي اللـي فـي انحـور العداتـي
مثـل مااعرفـه بالظـروف المعاسـيـر
تـاضـح عـلـوم مـدوّريـن الشـمـاتـي
وقــت الشـدايـد يثبـتـون المـغـاويـر
والا علـى الشـردان راحــت فـواتـي
ياطيـر ياللـي تنفـش الريـش بتطيـر
بالجو مالـك روجـة (ن) واشهراتـي
إرقى سما ياطيـر لـو كـان بـك خيـر
لاتكـفـخ الجنـحـان وســط الـفـلاتـي
بالـريـش مانـفـرق بـعـوج المناقـيـر
لاعــــوّدت لـلـريــش متـسـاويـاتـي
والفرق واضح في عيون الصقاقيـر
طيـر الرخـم ماصـاد طـيـر القطـاتـي
تـاخـذ عـبـر مـمـا مـضـى يامعيثـيـر
والا رويـسـك تـضـربـه بالصـفـاتـي
مالـك سواهـن واعتبـرهـن مقـاديـر
وارضـى بهـن يـوم انهـن واقعـاتـي
وشلازمـك تنفـخ علـى جمـرة الكيـر
واعـيـونــك الـثـنـتـيـن متـبـلـقـاتـي
وسط البحر لو شفت قرش وهوامير
لاهومهـن ّ الحـوت حتـى الرفاتـي
وان مااقتنعت اعطيك حجّـه وتنويـر
وان مارضيت ارضاك ماهـو مناتـي
دوك الفـريـده كــان للشـعـر تـآثـيـر
وابعـتـبـرهـا بـالـقـصـايـد زكــاتـــي
للقـول وقـت ولـو يجـي فيـه تآخـيـر
ماهـو بعـيـب العـيـب مـافـات مـاتـي
فـي مثـل هــذي ماتـمـوت التفاكـيـر
مـن قـدْح راســي للطـلـب والمـاتـي
قولـي وانـا بـن عيـد عبـره وتذكيـر
واقـوالــي الـيــا جبـتـهـن مثبـتـاتـي
انـا اليـا مــن قـلـت جـبـت التعابـيـر
ركـــزة وتـــد مـاهــي بمتخـرمـاتـي
تبـقـى ســـداد مخـلّـفـات الفـواتـيـر
واللـي سـقـط منـهـن ّ بالمقبـلاتـي
[] وسلامتكم [] ..
][ انشالله اعجبتكم يالغالين ][ ..
